Federal Ram Biakam Kum 72 Si Cang Ko Ṭung.

Federal Ram Thutiam Kum 72 Si Cang Ko Ṭung. Kanmah kan phung le kan lam, ka holh le ka ca, ka biaknak ning tein, kanmah tein kan i uk ding asi ko ahcun, Union [Burma Proper] he i fonh kan duh ve ko. Ramkomh in Federal Ram sersiam awk ah Chin Abraham kan pupa hna (Pu Kio Mang, Pu Hlur Hmung, Pu Thawng Za Khup) sin thutiam zanmang bang an lo ai ee. Thladem bang in a thlam te lawng an lang ee. A muisam fiang in kan hmuh kho ṭung lo Mipi Cozah sin ah. Thinghmui bang in bultan ngai in a um diam ko ṭung.

Tlukruan nak um cikcek ding in Biakam dakaw kan si. “Tlangcung mi cu Tinvo co khun mi” ti-in dakaw Panglong ah sehthuh in tazik khen chih asi. Ngunsawm le Tinvo, covo ah I tlukruan dih cikcek ding in Federal Ram sersiam nak Panglong ah asi hi mu. Zeizongza ah Chantlung Zalonak tling – Liberty, Tlukruan cikcek nak – Equality, Biatak le Biadik lennak – Justice timi hna hi thutiam chih dakaw kan si.

Cunglei langhter mi vial te sung zatlak nak cu Pyidaungsuh pakhat lawng in ram kan dirh caah asi.
Nihin ni tiang miphun pakhat, Biaknak pakhat, Bu pakhat, Party pakhat lawng ah aangat mi ram kan dirh caah 72 chung Federal a nganfak nak hi a si cu mu. Na theih ko buin miphun dang Party le Ukhruai tu na ṭanh mi hna hi cu mu! Laimi (Chinmi) na si taktak hnga maw tiah khuaza ka ruah tawn. Zeitintiah nangmah bantuk mifim, cathiam, thil ti kho, mirum, pasal asi minih ramdang miphun le Uktu an ṭanh ka theih bal rih lo caah asi.

Nangmah nih hnu na chit I na au pi lo caah Lungtakep ai ah kan au pi ve cang hi mifim, Kan hmai hmanh na kan khap ding asi lo nain. Lungtakep nih au taktak sehlaw, na cohlan ngam lai maw. Asilo le Pu Kio Mang te ruhro nih maw a rak aupi ne lai. Kum 72 tiang kawl nih an kan Ukpen cang. A zaa tuk cang ko lo maw.

Pathian nih a Krifabu le Miphun zohkhen kilven ding ah rian fial mi miphun party thazang pek cang hna sih. Dirhpi in le dirkam nak in miphun cuaisan i zuam hna sih, Unau. Pu Kio Mang Rolling bia “If we are to rule by ourselves with our own language, culture, and custom, we are willing to form a union with the Burma Proper.”—Pu Kio Mang (1947), Hakha Bawi (Signatory of the Panglong Agreement) “Kanmah kan phung le kan lam, ka holh le ka ca, ka biaknak ning tein, kanmah tein kan i uk ding asi ko ahcun, Union [Burma Proper] he i fonh kan duh ve ko.

တိုင်းရင်းသားတွေ မျှော်လင့်နေတဲ့ ဖက်ဒရယ်ပြည်ထောင်စုစနစ် 2020-02-12 မြန်မာနိုင်ငံမှာ တန်းတူညီမျှတဲ့ ဖက်ဒရယ်ပြည်ထောင်စုစနစ်ကို တည်ဆောက်ဖို့ တိုင်းရင်းသားတွေစုပေါင်းပြီး ပင်လုံစာချုပ်ချုပ်ဆိုခဲ့ကြတာ နှစ်ပေါင်း ၇၀ ကျော်လာခဲ့ပါပြီ။ ဒါပေမယ့် မူလမျှော်မှန်းခဲ့တဲ့ တိုင်းရင်းသားပေါင်းစုံပါဝင်တဲ့ ပြည်ထောင်စုကြီးက လက်ရှိမှာဖြစ်မလာသေးဘူးလို့ တိုင်းရင်းသားတွေက ဝေဖန်ထောက်ပြတာတွေ ရှိနေပါတယ်။ RFA အဖွဲ့သူ မခင်ခင်အိ တင်ပြထားပါတယ်။

 

Leave a Reply

Your email address will not be published. Required fields are marked *