Democracy In A Pial Mi pi Cozah

Panglong in Kal duh cu chimh ngam asi ti lailo. Federal zong a mui a deh ti lo. A thla pale hmanh hmuh khawh asi ti lo. Democracy dik thlir mi muisam zong pelte hmanh hmuh khawh asi tilo. Democracy Limhang le a Tlaitleng hna. Justice (Dinfel nak) Equaltiy-Equitity (Tlukruan nak) Freedom Zalon nak (Biaknak, Nunphung, Caholh, Media), Zalon tein chimh rel khawh nak le Ṭial khawh nak, Power from Mipi duh ning in Mipi sin in a ra mi Ukpen nak, Mipi sin ah Anna le Power aum mi, tbk Uk hruai nak asi. Mipi Cozah sin ah Democracy muisam le Thlarau piasen le sentalik tia hmanh a leng ti lo. Federal in kan kal ko ee a ti tu hna Politic theih lo in na chimh sawh I a si lai. Piangthar ṭung loin Jesuh ngeih loin Evangelist a ṭuan mi deuh na si. Pa Chup nih Covid 19 Naal Profet an ti ko hih.

Burma's slow election returns have Suu Kyi, NLD party officials ...

Mipi cozah sin in kan hmuh khawh mi Democracy cu: Mee thlak in mah duh mi Palai le cozah thimh khawh nak lawng hi asi. Cu cu mipi kan covo timi Rights asi. Nain Mipi cozah nih Covo bantukin hmang loin Opportunity timi caan ṭha hmuh nak lawng ah ahman. Uktu le Cozah asi lio mi lawng bochan ding in biachimh, holh rel, tuahto, tuahṭuan, lem soi, ṭhih phai, cozah lawng lawng timi lungput le Thlarau kha, an thinlung chung kan rawn mi hi, Democracy phunglam asi lo.

Mipi ai-awh Palai thimh tik ah Hlutdaw le cozah ah a tluk ruan mi ai-awh tu kan ngei lo caah, Hrapcheu democracy or A kebei mi democracy asi. Azeng mi Democracy kan ti lai cu!!! Democracy I a nun nak, a thahri pi, A keng ruh thluan, thi le sa, Thinlung le Thlarau, asi mi Media zalon nak aum hrim hrim lo mi nih, Kawl ram hi Democracy in a pial cang ti asi. Mipi le khua tuak tu pawl cu – thinphang daih loin khua an sa cio. Lungdo hma nih a kuah hna. Cung lei kan ṭial cia mi zalon nak hna cu na mang hmanh ah an ra ti lai lo. Federal tu cu horkuang thukpi ah an paih diam. Cu cu Federal asi ko ee; Democracy asi ko ee; tiah haa-thi luang lak in a chimh tu Kan Unau hna: Rili pi ah Leilawng in kal bantuk nan si lai. Na pamh lai dakaw. Pehtlaih nak Upadi Pohma 66, 505, 50, 52 hna hi 2008 phung hram pi nih a khamh mi asi lo. Mipi cozah nih a remh kho tuk mi asi. Party (1) / Miphun (1) / Bahu cozah (1) / Min cungnung mi (1) / lawng tein Anna le Power an tlaih duh peng caah asi.

Anna sin timi cu: mi (1) cung ah Uknak (cozah), Biaceih nak le Upadi suai nak; kan chiah dih (or) Mi pakhat cung lawng ah aa hngat (or) Mi 1 Nawl lawng in asi ah cun: Territorist timi Anna sin kung cung hmin bak asi cang. Uam chawm hmanh asi tilo. Hi hnu ah Federal policy a um ko ee, Democracy in a kal ko ee, na ti rih ah cun: na ning hngalh / ningzak theih lo / na thli lawng te / mi deh hleng / mi depde / mi kawng kawraw / khua hngalh lo / mi deh cawh / mi hrokhrol tu na si deuh lai. Politics le Democracy cu an mah le an sining, an muisam, an thla rau, an Tlaihtleng, an Limhang a um cia dih mi asi. Cu ee kha ee ti mi nih lai a rel lo. Holh theih lo ee, Holh dang ee, Ram dang mi holh ee / ti phun in Baibol le zumh nak hmang in hrih fiah a hau mi asi lo. Aum cia mi tahfung he aa rup le rup lo nih Lai a rel bik. Panglong in kal ding asi ee; Federal cu Kan Pi nih a kaa in achimh ko ee; na ti rih ah cun Joseph an zuar bang in (Egypt), Federal le Panglong zuar in mee na kawl tu asi kha. Nai theih fian bak a hau ve cang.

Democracy a um bak lo timi cu: Media le Zumh nak chimh phuan ruang ah tazacuai in thong thlak mi a hmuh 47 a um. Mr. Ni Ling U – VOM, aa chap ṭhan. Media ah rianṭuan mi Thawng pang dik Khawmsuat tu (Tadinṭhok) pa an tlaih ṭhan cang. AA lutlai Mr. Khaituka kha phone a chawnh I bia a hal caah thazang petu na si tiah thong an thlak colh. Khaituka a hal mi bia hna cu: AA Ralhrang ti nak kong ah lungput; AA tello Kahdai nak Muisam? Remdaih nak lamthluan le NCA ah asi kho ding mi puai pang thil hna; U Kyawsuamin: Tadin Media phu lutlai – Mipi cozah le Democracy in a kal ko mi cozah nih tuah hrim lo ding mi asi. Ralkap uk lio chan bantukin mipi cozah nih an kan uk hruai tiah a ti. Ralkap lei nawlngeihtu: Hi thong thlak nak kong hi Ralkap lei nih kan theih mi asi lo. Cozah le Palik lawng nih an tuah mi asi. Cozah Biakam nak a tling khawh lo mi hna; AA ral adai lo caah a zual chin kho. Upadi remh, Remdai nak (Kah ngol nak), Miphun kar lak I remh ṭhan nak, Democracy ti asi. Hi lawng hi NLD policy cu asi. Hi vial te pelte hmanh a tling lo. Hmai lei zong an tlinh ter lai tiah zumh awk ahar ngai ngai.

Chinram le Chin miphun dam tak tak na duh I Panglong kal na duh ahcun Chin Party tu mee pe cang hna usih. NLD Hmuitinh (4) Tlinkhawh ding ah cun Tlangcung mi nih Hlutdaw le Cozah ah hmun hma kan lak ve lawng ah asi khawh lai. NCA cu lunghrin an si ko. Kahngol chung nak lawng in kum 30 a rau. NCA Upa le Lutlai hna cu Mirum ah an I chauh pah dih cang. Kum 30 lawng ah Democracy kong ceih in kal. Democracy in kan kal cuah mah lio ah Federal Mumal kan suai lai ti asi.

NCA biachah mi 51 zong hlutdaw le upadi remh nak ah tel chih asi lo kha. I zumh lo nak / I lunghrin nak / I theih thiam lo nak / misunderstanding / lost or less of mutual understanding vial te tampi ah chiah tak chung hna u sih. Lungrual lo buin kan duh mi federal le za uk phung caah lungkhat – thin khat min put in ṭuan ṭi cang u sih. Isreali sal si nak caan tawi bik cu kum 70 asi. Kan nih cu kum 72 kan si cang. Russia ram aa thleng kum le Berlin vampang cimh nak – Germany ram hnih I fonh ṭhan nak zong kum 70 hnu ah asi ve. 2020 kum ah Miphun party mee pe uh. Kanram, kan miphun, kan biaknak, Kan nunphung, Kan ca holh, tbk dam ve cang seh, Amen.Credit: Saya Rung kaw.

Leave a Reply

Your email address will not be published. Required fields are marked *