Cuti chungkhar khuasaknak tiang hnursuan tikah lungretheihnak ai chap

COVID-19 le Chungkhar Buainak (Family violence) Nihin kan vawlei dirhmun sining zoh ah thindomh in um cio a si. Atu tiang COVID-19 nih a denmi ram hi 205 a si cang. A thimi 59,401, mizaw thlopbul lio mi,121,930, damh cang mi, 230,316 (4th April 2020 updated) an si. Mathew Paul nih a rak chim bal, “Lungretheihnak, zawtfahnak nih chuahpi unau bantukin an kan umhnawh i lawmhnak nih khuallian bang an kan tlun” tawn timi bia nih khua a ka ruahter ngai. COVID-19 nih thinphang in an kan chiah lawng hmanh si loin, chawlehthalnak (business) zong hawikom (accompany) bantuk ah i sawm in a tlak tuk caah khuasaknak tiang a hnursuan ngaingai. Cuti chungkhar khuasaknak tiang hnursuan tikah lungretheihnak ai chap. Lungrethei buin khuasak ahcun lunglawmhnak, nuamhnak mithmai a tlang kho ti lo. Phun dangin kan chim ahcun chungkhar nupi le fale kar ah dawtnak a leng kho ti lo. A tawinak in chim ahcun, COVID-19 nih thih tian in an kan then lawng hmanh si loin, nung-na tian tiang a chuahter.

Coronavirus case count in India by state | Coronavirus India cases

Laiholh ah “chingchih bengbeh” ti mi kan ngei. Cucu nihin kan vawlei dirhmun a cung i kan langhter mi khi a si. Zeitintiah, COVID-19 ruang ah chungkhar kehkuainak, thencheunak a karhcho tuk mi hi a si. DVRCV (Domestic Violence Resources Centre Victoria) nih a langhterning bang ah cun, vawlei cung ram kip nih cuhlan an rak tonmi chungkhar buaibainak (domestic violence) nakin naicikua COVID-19 chuah hnu tonmi hi a let 3 in a karh deuh a ti. Thiamsang hna nih chungkhar buaibainak, kehkuainak an hlathlai tikah aruang tampi lakah pakhat an hmuhchuah mi cu, khuasak tintuknak, suingun chawva kong ah a si. Tangka haang cu a kha tiah, kan nu le pa nih an rak kan chimh tawn. A sullam cu tangka kong ah cun mizei hmanh hi thlachiatruah ngaingai a um tawn lo caah a si. Tangka tlangau chan a si tikah, hi zawtnak (COVID-19) nih chawlehthalnak a hnursuan tikah cun khuasaknak a hnursuan cang. Hi lio caan ah dawtnak lawng nih chungkhar a himter kho ti lo, theihthiamnak le zaangfah zawnruahnak a lenchih a hau.

Confirmed cases of coronavirus in India: Govt confirms 29th ...

Chungkhar buainak a karhchoning zoh tikah, atulio bantukin kokek ral ruangah zatlak puicimh ton lio caan ko ahhin a zualhma. Tuanbia kan zoh hmanh lai: 2010 lio ah New Zealand ram i a rak cang mi lihninh (Canterbury earthquake) nih khuasaknak a hnursuan tuk caah chungkhar buaibainak le kehkhuainak hi zatuak 53% a kai. Cun Hurrican Katrina nih faktuk in US a rak den lio zong ah 98 a phan. 2009 lio Australia ram kangh (Black Saturday) ruang ah tam tuk a si ve. Tuanbia nih a kan cawnpiak mi atulio kan boruak zong kan kalpi thiam lo ahcun chungkhar kehkuainak tiang a chuak kho mi a si.

India on high alert with two new cases of coronavirus - The Hindu ...

Zeicahtiah, hi bantuk khuasa a har lio caan ah chungkhar milu tam khuasaknak ah riantlai (employ) an um lo, tangka a lutlei um loin a chuaklei lawng a si tikah cun i hmaichiat a fawite. Cutu nihin ah ka ton cuahmah mi a si. Cucaah, kan chungkhar a himnak ding le kan harsat ko buin chungkhar vanram nuam sernak ding ah cun “theihthiamnak” kan ngeih a biapi. Nang na chungkhar, kei ka chungkhar, nang na hlawhmi, kei hlawh mi ti si loin, Pathian nih thluachuah a kan pekmi suingun chawva hi zeitin kan hman timi kongkau tu nuva karkhuah biaruahnak ngei in hman thiam ko a herh. Na chungkhar a dam ahcun cucu damnak taktak le na thinlung zaangdamnak bik a si ko lai.Credit: Carson Tin Twin Oo.

Leave a Reply

Your email address will not be published. Required fields are marked *