Coronavirus ruangah a thimi a zawmi nikhat hnu nikhat a karh saling si

Coronavirus ruangah a thimi, a zawmi ni khat hnu ni khat a karh saling si. A sang bik peak kan phak hnu ah a ttumte lai ti a si. Tuchun tiangah a thimi, minung 5112 an phan. Nizan lawngah a thimi minung 1053 renglo an i chap. A let 1 in a thimi an karh ko rih. A zawmi 215344 an si i, nizan nak in a zawmi 26705 an karh deuh. a dam than cangmi 8878 an si. A dam thanmi minung 6000 renglo an karh ve. Vawleicung ah zawtnak ngeimi a tam bik cu US a si cang. China le Italy zong a lonh cang hna. A zual bikmi khua cu New York a si i, minung 2219 an thi. US rampi chung a zawmi i, 60% cu New York khuami an si. New York hi vawleicung khualtlawng a tam biknak khua a si caah a zual khunnak a si kho an ti. Covic-19 ruangah US ah rian ngei lomi million 10 renglo an si cang. Unemployment a sawkmi 6.6million an si ang. A thimi tam bik ram cu Italy, pahnihnak ah Spain, pathumnak ah Chinna, palinak ah US a si.

Alphabet's COVID-19 project underscores privacy concerns with big tech

Nizan zanei ah white house coronavirus task force a simi President Trump, Vice President Pence, Dr.Anthony Fauci le Dr. Deborah Birx nih White House ah Press Conference an tuah. Atu lio ah hotspot a simi New York le New Jersey hi a zualma bik an si. Italy ram sining, Washington State, New York le New Jersey zohchih in mizaw tam bik le a thimi tam bik caan highest peak of coronavirus death cu a ra laimi zarh hnih chungah kan phan lai tiah a chim. Cozah nih thanh cangmi le zulh ding an tuahmi, mipi nih zulh kan herhmi vialte kan zulh lo ahcun US ram chung in minung 100000 in 240000 tiang kan thi kho tiah an chim Asinain atu tein biatak tein kan i zuam i kan ttan cio ahcun mah nak in a tlawm deuh ving lai ti zongah an chim.

President Trump nih, a ra laimi zarh hnih hi cu kan caah a har bikmi caan kan phan lai, “We’re gonna go through a very tough two weeks,” tiah a chim. Atu lio sibawi hna le silei thiammi an cawlcangh ning zoh tik ah raltu mi hna he kan i dannak a um lo, a ra laimi ni 30 chungah thil tampi kan thlen khawh a herh. A luancia mi caan ah ni 15 day to stop the spread kan tuahmi kan hlawh a tling ngaingai. A ra laimi ni 30 chungah biatak tein kan i ahcun minung tampi nunnak ka khamh khawh lai tiah a chim. Minutes 15 lawng a raumi Virus test nak zong a rauh hlan ah mipi sin a phan lai tiah a chim.

Vawleicung mirum bik Pu Bill Gate nih Lockdown thla hnih le cheu tal cu a hau tiah achim. Sipuazi lei thiammi nih cun US hi thla 3 chung an khar ahcun US sipuazi hi a pur thai lai i, tunmer khawh thai ti lo an phang, mah ruangah President Trump nih business pawl sau tuk khar a duh lo. US sipuazi a pur thai ahcun Tuluk nih valweicung sipuazi thawh vialte tliah dih ding dirhmun kan phan kho. Coronavirus ngeih le ngeih lo i testnak minutes 15 lawng a raumi cu FDA sin ah an kuat cang i, FDA nih approve an tuah ahcun hman a si lai i, minung tampi chek khawh a si lai. US sipuazi tunmer thannak caah 2.2 trillion [ 2000 billion renglo ] an chuahpi mi cu Senate nih dotu ngei loin an pass hnu ah House nih Voice Vote in an fehter hnu ah mah bill cu president Trump nih min a thut hnu ah law ah a hung cang.

2.2 trillion bawmhnak chung ah hin nupi /va a ngei lomi poah minung pakhat ah $1200 pek a si lai. Nuva a simi hna nih $2400 an hmuh lai. Fa a ngeimi cu an fale pakhat ah $500 pek chap an si lai. Fa pahnih a ngeimi nuva nih cun an fale he an dihlak caah $3400 an ngah lai tinak a si. Minung pakhat nih kum khat income $75000 nak tlawn le nuva khuah khat nih kum khat income $150000 nak tlawmlei a hmumi nih an co lai. Asinain kum khat income 99000 in acung lei a hmumi nih cun an ngah lai lo. Kum khat ah $75001 in $99000 karlak a hmumi hna cu an hmuhmi chung in $100 ah $5 zuh an si lai caah caah midang tluk in an ngah lai lo. Tutan cozah bawmhnak 2.2 trillion hi US cozah kum khat budget nak in a tam deuh ti nak si. Rarin Ding:

5 mixed messages from Trump that have marred his administration's ...

1. Na kut thiang tein ttawl lengmang. Kut ttawl hi khamhnak tha bik a si.
2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding.
3. Mi kut tlaih hrial khawh izuam. A herh lo ah mi tak tongh lo ding.
4. Minung pakhat l pakhat pe 6 dan in i hlat peng ding.
5. Leng an chuah ahcun kuthruk he chuak, na lawi tik ah na kut hruk kha inchung ah luhpi lo ding. Hlonh colh ding. Motor gas thun tik ah a tlaihnak kha ttih a nung ngaimi a si caah kut hruk in tlai asilole gas na thun le cangka na kut i tawl colh. Mizapi nih tonghmi innka tlaihnak zong ttih a nung ngaingai mi a si.Credit: Salai Lairam Thang

Leave a Reply

Your email address will not be published. Required fields are marked *