ChungKhar Ah Zeitluk Indah Nupi Le Hi An Biapit

Pa le kong hi cu um rih ko seh,Nu le hi innchungkhar ahcun a herhbik mi an rak si, zeicatiah cun innchungkhar nuamhnak le lawmhnak.a umter khotu zong Nu le an si, innchungkhar nuam lo ngai le innchungkhar zohsan awk um lo tiang in achia khotu zong Nu le hi an si fawn. cucaah cun Nu bik kan nu le hna hi dawt le an lungawi ter zong hi arak biapi tuk, zeicatiah cun innchungkhar nuamhnak (key) tawh atlaitu le innchungkhar a mawngtu cem cu Nu le hi an si innchungkhar a mawngtu (Driver ) an si kan ti khawh hna, Fa le zong mipi, sapi thiamsang,min lar ah acanter khotu zong nu le hi an rak si.

Sianginn leiin arah tinmi sianghngakchia pate nihcun anu sinah .”hi ka nu kan sayapa nih hi ca hi na nu va pe a ka ti tiah a ti i ca cu anu cu a vun pek”a nu nihcun catlap cu a vun kau i a fapa hmai ahcun a vun rel a rel pah cun anu cu a mitthli a kurkur in atla thluahmah a ca relmi cu na fapa hi thluak ttha tukmi asi i sianginn ah saya te nih kan cawnpiaknak hi aza lo cucaah inn ah nangmah nih rak cawnpiak law ti asi ko.

Kum tampi aliam hnuah cu hngakchia pa zongcu ahung tlangval ve cang a nu cawnpiaknak thawng cun hlawhtlinnak a hmu kho ve cang, a Nu nih a thihtak hnu ah nikhat cu a thilri hlun hna a kawlnak ah a hngakchiat lio i an sayapa nih anu sinah cakuat a rak pek termi te kha a va hmuh sual, cu ca avun rel ve tik ahcun a mitthli a tla ve ti asi. a sayate nih anu an rak kuatmi cu” na fapa hi thluak lei thinlung leiah hawi a tluk hna lo caah hi sianginn ah ca a cawn lengmangnak ding sullam a um ti lo,tiin an saya pa nih anu cu a rak kuatmi kha asi.

Hi tlangvalpa hi zeidang si loin Scientist minthang Electric bulb le thil dangdang zong,arak sertu arak chuaktu pa Thomas Alva Edison timi pa kha a si, cucaah a diary ahcun mah ti hin Note atial colh.

‘Thomas Alva Edison cu thluak,thinlung leiah hawi tluk lo asi ko nain, hringtu Nu tthatukmi aa ngeih caah mifim.minthang ah aa chuahnak asi”tiin a tial ti asi.

A kan hringtu kan nu le hna innchungkhar a kan hruaitu kan nu le hna hi an dirhmun a biapi tuk va le pasal le zong nih theihpi ding ngalhpi dingah a herhnak poah ah i bawmh ding kan si, innchungkhar nuam le fa le nih hawi an lawh khawhnak ding caah hin kan nu le hi an rak biapi tuk ti hi ka von langhter duhmi asi.

Leave a Reply

Your email address will not be published. Required fields are marked *