CHRISTMAS SERMON IN THAZAANG RAK I LAAK CIO UH

CHRISTMAS SERMON IN THAZAANG RAK I LAAK CIO UH “KHRIH AN PEEKMI LAKSAWNG NIH ZEIDAH AN CAWNPIAK?” Mifim hna nih Jesuh cu sui, frankisen le myrrh laksawng an rak peek (Matt. 2: 1-10). Laksawng timi cu a minung he ai tlaak in peekmi a si. Nu le pa nih hngakchia cu phaisa laksawng tlawngte lawng an peek tawn hna nain upa deuh cu tam deuh an peek tawn hna. Anmah he aitlaak in an peek hna caah a si. Zutama cu zu kha laksawng ah an peek tawn hna. Phaisa a herhmi cu phaisa laksawng an peek tawn hna. Lehtama cu sobul le hluah kha laksawng ah va pe hna law an i lawm lai. Kut kiakmi pa cu sobul kha laksawng ah va pe law ai lawm lai lo. Sam a nei lomi pa cu samthih kha lawksawng ah va pe law ai lawm lai lo. A thin hung lai. Ha a nei lomi pa cu hatawlnak kha laksawng ah va pe law ai lawm lai lo. Chiat an seh lai. Sia cu cite peek phung a si. Dollar peek phung asi lo. Laksawng cu anmah le siining zoh in peek phung a si. Jesuh laksawng an peekmi nih zeidah a kan cawnpiak ve? Jesuh sining a kan chimh. Jesuh tuahmi a kan fianh. Jesuh dirhmun a kan cawnpiak ve.

SUI:1. Vancung khua cu sui in ttamhmi a si. Jesuh cu vancung in a rami a si. Sui umnak hmun in a rami asi caah sui kha laksawng ah an peek ve. Ar eek lak i khau a sami arpi kha sui va peek phung asi lo. Sui umnak in a rami cu thir kha laksawngah peek phung a si ko. Pathian cu sui in sermi inn, vangcungkhua, ah a ummi a si caah Jesuh cu laksawng ah sui an peek nak chan a si. Cunih cun Jesuh cu sui khualipi in a rami Pathian a si nak kha a langh ter.

2. Sui cu vawlei lak le cirh lak ah a ummi a si. Vawlei he ai cawh in a ummi a si. Vawlei lakah laakmi a si. Jesuh cu sui mansung nakin a sunglawi deuhmi asi nain vawlei ah a chuahmi a si. Vawlei in sermi minung hna he cawh in a nungmi a si ve. Vawlei musual mi hna lakah a tthangmi a si. Pathian asimi bia cu titsa ah a rak i cang i leitlak in sermi minung lakah khua a sa ve.

3. Sui cu fimnak he tahchunh a si. Phungthukbia cauk nih fimnak cu sui he a tahchunh zungzal. Jesuh cu fimnak ah a tling. Jesuh cu hngalhnak ah a tlingmi a si. A cawnpiaknak cu fimnak le rumnak asi idamnak zong a si. Hnangamnak zong a si. Cucaah Jesuh cu sui an peek nak a si. Nang zong fim na duh maw? Hngalhnak neih na duh maw? Jesuh kha zum law, a cawnpiaknak kha zul law, na fim ve lai i hngalhnak zeihmanh na bau lai lo.

4.Sui cu tlamtlinnak in a khat. Thing cu mi nih an sawiselmi thing an um. Lung cu an sawiselmi lung an um. Sui thiang taktak cu ahohmanh nih an sawisel kho lo. Sui cu a ttha lo tiah va au law, mi nih mihrut ah an in chiah dih lai. Nupi hmanh na tawn phah lai lo. Jesuh cu fimnak ah, dawtnak ah, tthatnak ah, dinnak ah, felnak ah a tlam a tlingmi a si ve. Sawisel awk pakhat hmanh a nei lo. Cucaah amah sining he ai tlakmi sui kha laksawng ah an peek nak chan a si.

5. Sui cu a sunglawi tuk. Sui sernak ah va kal ulaw, sui khi a dip te hmanh an hloh lo kha na hmuh lai. Sui cu sunglawi tukin ruahmi asi caah a dip pakhat te tlau lai hmanh khi an sian mi a si lo. Jesuh zong a sunglawi taktakmi kan khamhtu a si. Na neihmi thilri vialte lakah a sunglawi bikmi cu Jesuh hi asi ko. Jesuh na neih hlan le na neih hnu kha cuai thlai hmanh, zeitlukindah ai dan kha na theih lai.

6. Sui cu ai dawh. Sui cu kutkhi caah ai dawh, zungbunh caah ai dawh, tthi caah ai dawh i zeica poh ah ai dawh dih. Jesuh cu a thinlung ai dawh, a tuahsernak ai dawt, a tuanbia ai dawh, a sining ai dawh, a biachim ai dawh i a cawnpiaknak ai dawh. Nangzong dawhnak in tlin na duh ve maw? Jesuh kha cohlang law, Jesuh nih ai dawhnak vialte kha an hrawmh dih ve lai i nai dawh ve hrimhrim ko lai. Jesuh, van sui thiang, i nai ttamh lo i vawlei sui lawng i nai ttamh ahcun nai dawh kho lai lo. Dawhnak tling taktak an pe kho tu cu Jesuh lawnglawng a si.

7. Sui cu a man a faak. A duhmi lawnglawng nih ngeih khawh a si. Ai zuammi lawnglawng nih ngeih khawhmi a si. Ngeih an tim lomi nih an ngei kho lo. Jesuh cu a kawlmi lawng nih an ton khawh. Ton duhnak thinlung a ngeimi lawng nih an ton khawh. Ngeih a duhmi lawng nih an ngeih khawh. Nihin ah mi tampi nih Jesuh kan ton khawh lonak a ruang cu Jesuh ton theng hi kan ti timh hna lo caah a si. Jesuh cu ton a duhmi vialte nih an ton khawh dihmi a si. Vawlei i a rak um lio ahcun a ton kha a rak har khun, Israel ram lawngah a rak um caah. Asinain atu ahcun khuazei hmun poh ah ton khawh a si cang. Ton a duhmi vialte nih ton khawh dingin ai tuah cang. Nang Jesuh cu na tong ve cang lai lo maw?

Mifim hna nih Jesuh a peekmi laksawng lakah phun khat asimi sui nihcun Jesuh a sining kha a kan chimh. Jesuh he ai tlakmi, a sining he ai tlakmi laksawng, sui, cu mifim hna nih an rak peek. Cucaah Jesuh sinak nai hrawm a si ahcun sui mansung asinak vialte kha hrawmh na si ve cang. Jesuh na cohlan asi ahcun vawlei sui le ngun zong neih na hau ti hna lo. Jesuh cu na felnak a si cang. Jesuh cu nai dawhnak a si cang. Jesuh cu na tthatnak a si cang. Jesuh cu na fimnak a si cang. Jesuh cu na ro sungbik asi cang. Jesuh suilawinak le sunparnak cu hrawh dih

Leave a Reply

Your email address will not be published. Required fields are marked *