Chin Ramkulh Ramkhel Hruaitu Hna Dirhmun Zoh In Capo Biatak

Hna a hnok 2020 pin lei Chin Ramkulh cu Mah Aye Thung nih kan hruai seh! Zei pi pa a tuah khawh lo hmanh ah Patungno le tlangval zei maw zat a mah kan hmuh cun kan hna ngam deuh lai Sifah le nam neh ton ciocio ah nungak namneh cu tuar fawi deuh lai hei ti bia. A keng aa kual tuk mi CM Lian Luai le Funny minta Vuanci Sui Thio tbk cu ii din cang hna seh Kum 50 chung Ralkap nih A tuan mi nak hmanh in Kum 5 chungah tam deuh ka tuan tiah ningzak lo tein a chim ngamtu Pu Zo Bawi hmanh dinh aa tim.  A style bak mi Nungak helh thiam No Than Kap le Vailamtah Tung Pu Ngaisak nih Mah Aye Thuang an dir kamh lai caah mak tuk lai. Poh len zongah lau a thei tilomi Pu zo zam zong dai tein aa dinh lai caah Funny Minta Sui Thio nih lau hna seh ti siko ati mi kha Lau awk si lai lo.

NLD Thli Tum Chengcheng hi cu MP ca ngaingai ahcun a aw chiatuk Zei kanti lai ti hrawnghrang ah a vaivuam khim lai a fiangko. Salai Do khar bal hi MP a tling lailo nain hna bei a sei a nih khi Biahman tete chim a hmang. Thut Den a ri mi Pu Lal Muang Cung tbk nak cun san a tlai deuh tuk lai. Tutan thim nak ah NLD Cozah an kai rih cun Khuate lei Khua Bawi pawl kha nan khua cio ah Aung San milem chiahnak hmunhma rak kawl cia uh Khuakhat Pakhat Aung San milem phawh nan si lai sia herh nak nganpi he nan zapi Happy Sunday. Catialtu Salai Bawi Siakhel.

Nawlbia Riantuan Ning Le Pathian Vel. Pathian rian?uan dan hi khuaruahhar a si ko. Israel miphun kha sal an cannak kum 430 a van dih bak in Pathian nih Izip ram sal an cannak in a chuahpi hna, a luatter hna. Cu lawng hlah, Izip mi fater vialte an thih lio ah Israel mi fater cu pakhat te zong an thi lo. Bawipa nih fater thihnak in a luatter hna, a khamh hna. Pathian nih, Moses hmangin, sal cannak ram Izip ram cun a chuahpi hna. An tan khawh lo mi rili sen zong a chahpiak hna. A van dawitu hna Izip ram rawlbawi vialte kha rili sen ah a thah dih hna. Thla thumnak ah Sinai tlang an phan. Bible ah Sinai hi min hnih in a auh. Cucu: Sinai le Horeb tiin. Horeb a timi khi Sinai tlang tinak a si. Galilee rili khi Tiberias ti zong in a auh, Gennesaret ti zong in a ti tawn bantuk khin.

Sinai tlang ah hin Israel mi hi kum 2 tluk an um. Sau lak te an um. Exodus Dal 19 khi Sinai tlang an phanh a si. Sinai tlang ah cun kum 2 an um i Number Dal 10 tiang an um. Cuka cun Pathian nih NAWLBIA a rak pek hna. Ram car ah kum 40 chung an khualtlawn chung zong ah zeimawzat a pek rih hna, cun Moab nawlrawn ah tlawmpal a chap rih hna. Nawlbia pek an si hlanah khan Israel mi kha an phunzai taktak ko. Izip ralkap nih an van dawi hna ah khan an phunzai len, an ti hal i an phunzai rih, an rawl?am i an phunzai, nawl an ngai lo, mana zan khuazei chiah lo ding timi zong a thaizing tiang an chiah, an ti hal ?han i an phunzai fawn rih. Exodus 14—17 kar ah khan an phunzainak cu hmuh khawh a si. Mah tluk khan an phunzai ko nain Bawipa nih voi khat hmanh dan a tat hna lo, Bawipa a thinhung lo, kan ti ko lai.

Sihmanhsehlaw Number Dal 10 ah khan Sinai tlang in an van i thawh ?han. Sinai tlang ah khan Nawlbia a pek hna. Nawlbia pek an si hnuah an van phunzai ?han i: mei in a khangh hna, rai a tlunter, thinghmui zawtnak in a zawtter hna, kum 40 chung a vaihter hna, nawlbuar mi lung in an chehter hna, van in mei a tlakter i a khangh hna, vawlei a kahter i vawlei nih a dolh hna, rai in 14,700 a thah hna, Moses le Aaron lila zong nawlngaih lo ruangah Canan ram a luhter hna lo, rul a cukter hna, rai in 24,000 a thah rih fawn hna. Number 11-25 kar ah hmuh khawh dih an si. Nawlbia a pek hnu hna ah khan cun zangfahnak a um lo: rai in, mei in, rulcuk in, lungcheh in, thinghmui in, kum 40 vaihter in dan a tat hna. Zangfahnak hrimhrim a um lo. Tuchan minung tampi zong hi kha lio ah khan rak um ve u sih law dantat mi lakah khan kan rak i tel len ve ko lai.

Sihmanhsehlaw Pathian vel cu mu hihi a si: “Cun Pathian laksawng le mipa pakhat sualnak kha an i lo lo. Kha sualnak a hun zultu kha cu, “Na sual,” ti biakhiahnak a si; sihmanhsehlaw sualnak hi zat riamruam a hun zultu cu, kan phu kan tawk lopi a simi laksawng, “Na sual lo,” ti biakhiahnak hi a si.” (Rom 5:16) Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si. (Efesa 2:8) Mah vialte hi kan Bawipa Jesuh Khrih thawng lawng tein a si. Misual kan caah vailam cungah a thihnak, a thisen a thletnak le a thawhthannak thawngin a si.

Khamhnak kan comi hi Pathian laksawng a si. Kan phu kan tawk lomi laksawng a si. Pathian laksawng zumhnak in aa lakmi, a cohlan mi hna kha Pathian nih fa sinak a pek hna, a fa ah a canter hna, Thlarau a pek hna. Nawlbia nih cun nawlbuar mi le misual mi kha sual a phawh hna, dantat an si, thah an si. Pathian vel nih cun misual mi kha a dawtnak le zangfahnak in a kan tuamhlawm, a kan ngaihthiam, kan phu kan tawk lopi a simi khamhnak laksawng a kan pek, zungzal nunnak a kan pek. Mah vialte hi Bawipa Jesuh Khrih thawngin a si. Catialtu Rev. Abraham Ram Lian Khar

Leave a Reply

Your email address will not be published. Required fields are marked *