Chin Ramkulh Cozah nih Pengkua Chung Ah Covid-19 Runvennak Caah Bawmhnak An Pek Lai

Chin Ramkulh Cozah nih Chinram peng kua chung COVID-19 i runvennak ca ah tiin Myanmar tangka sing 20 bawmhnak a pek lai tiah Minister Pu Pau Lun Min Thang sin kan theih. “Chin Ramkulh i peng kua chung ah COVID-19 i runvennak ca ah tiin Ramkulh Cozah nih sing 20 cio pek ding in biachah nak kan ngei. Hi tangka hi Peng kip i cozah he pehtlai in runvennak committee a dir mi sin ah kan pek hna lai. Cun, hi tangka hi Ramkomh cozah nih COVID-19 ca ah 1Billion Budget an kan pek mi chung si loin kanmah Chin Ramkulh cozah tangka sing 1000 chung in kan pek mi hna a si,” tiah The Hakha Post ah a chim. COVID-19 in kan i runven, kan i khamh khawh nakhnga ca ah tiin a peng in siseh, a khua in siseh, zatlang bu in siseh, mino lei in siseh Committee dir cio a si. 2020 April 1 tiang ah COVID-19 in Myanmar ram chung ah a thi mi minung 1, zawtnak hrik a ngei mi minung 15 an si cang tiah kan theih.

Cun, Ramkulh Ngandamnak Zung Lutlai Dr. Aung Ngwe San nih “Committee hi Cozah lei lawng si loin khuachung mino siseh, zatlang bu in siseh dir kho ulaw ti ka duh. A ruang cu kanmah Cozah lei nih cun khuachung ahhin kan i choklet tuk kho lo i, thil sining hi kan thei thlu kho lo. Committee nan dir tik zong ah Cozah he pehtlaihnak hi tuah kho zungzal uhlaw a tha. Kan i bawm cio hna lai, kan tuanti hna lai,” tiah a chimchap.Credit: Hakha Post

Covid 19- Pandemic nih kan vawlei muisam a thleng taktak. A thupmi vawlei cung politics zong tampi a phozar. Vawlei hmanmi thilri vialte ti awk in supply a tuahtu China nih Vawlei cung chanchuahtu ka si tiah langhter duh ah tulio Vawlei Pi nih an herhmi thilri ser ah a a tho cang. USA nih kanmahte in zei paoh kan ser khawh ve ko dakaw tiah US Defense Production Acts cu an hman colh ve i tulio Covid 19 dohnak caah an herhmi thilri cu ser hram an thawk ve cang. China cu a rauh hlan ah a tlu/collapse lai tiah an ruah i caan saupi an rak chim tawnmi cu, tluk lei si loin a thawng chin lengmangmi a lo cang.

Covid 19- Pandemic nih vawleipi a von den tikah China nih vawleipi hi zeitluk indah harnak a pek khawh? Zeitluk indah influence a tuah khawh timi a von fiang ngai ngai. “Climate Change” movement ruang ah nitlak ram tampi cu an ram ah company dirh loin China ser an irinh. Emergency in thilri an von herh tikah an car. An awlok a chong. Cucaah, ram kip nih a herhmi/essential thilri cu an ram ah ser cio a biapit nak a langhter ngaingai. Cucaah, Covid 19 nihhin vawlei cung economic muisam tampi a thleng te kho men.Credit; Zasang Cinzah

Leave a Reply

Your email address will not be published. Required fields are marked *