Chin Party me pek a hauh nak.

1. Chin Party in MP a tling mi hi kawl Party in MP a tling mi nak in full in biachimnak nawl kan ngei deuh.Kawl Party in MP pawl cu an pi le an pu le sin ah chimnak nawl halnak ca chiahta nawlta hnu ah ri an khiahpiak hna hnu lawng ah chimkhawh a si.Cucaah miphun kong cu an chim kho bak loh.Chin party in MP a tling mi cu kawl pawl nih an kan ttihzah deuh.

2.Chinram le tlangcung(တုိင်းရင်းသား)ram ah cun tthanchonak (ဖွဲ့ဖြိုးရေး)nak in mahte tawlrelkhawhnak le remdaihnak hi a bia pi deuh.Kan Chinram Paletwah hmanh a him ti lo dir kamh a hau cang NLD MP pawl nih an chim kho ti loh cucaah Chin Party MP kan herhtuk cang.

3.Cucaah Chin mipi nih Daw Suh le NLD ah i palh ti hlah u sih 2015 ah ramdang vialte nih an rak dirpi ko nain a tu cu mintthat nak laksawng a co mi vialte an chuh dih tthan cang zeicaahtiah a rianttuan an lung a rawk tuk (ပြတ်သား)lo tuk i an zum ti lo a chim mi le a tuah mi ai dang peng.Cucaah kan hawi tlangcung mi vialte an lung a fim cang Chin miphun kan lungfim tlaisual ah cun poituk lai.

4.Democrasi phung an ti peng nain Media zalonnak zong a um loh mipi aw an ngai duh fawnloh cozah tlamtlin lonak tlawmpal a chim mi poh an tlaih hna i thong an thlak hna mi hrim hi hramhram uknak(အာဏာရှင်)bak in an kan uk ko.

5. Mi Inn midummilo a ngei tu ton biaruah hmasa loin tthehpiak hrawhpiak chuh hman mi hrim hi sifahsaitlailo caah zawnruahnak an ngei bak lo. Mi aithing hna rialpiak viar hi minung thinlung tal an keng rualoh upadi lonh in rian an ttuan mi a tam tuk cang.Cucahcun a minung hmanh thleng rih lo in an i pe tthan ko rih caah NLD hi cu kan Chinram in dawita an hau Awtaw cu kawlram long ah a tlong mi a si Chin ram ah cun Vakok nih buan co cang ko seh.

6.Haka vulei ningcanglo chuh mi kong ah kemah pumpak in siseh lothlobu pawl aiawh in siseh Kawlbawi pawl hi ka ton peng hna kawl bawi pawl hi an khuaruah a har tuk Vulei chuhnak kong i nawlngeihnak liancem cu nanmah Chin mi Henry Van Tthio pei si cu zei tindah upadi lonh in Inn ttheh tiang le lo chuh dih tiang cu nan ton khawh vulei nan ngeihnak ca(စာရွက်စာတမ်း)le a tlintuk fawn ko ttung an ti cucaah HaKa vulei kong ahhin ziah a kan tawlrel piak duh hnga lo a far nu Sayamah Farki vial cu a vulei i တိုင်းရင်းဆေးရုးံan sak cuahmah lio mi hmah ngol ter in Mara biakinn hmun ah an va tthial ter hna i Farki vulei cu an pek tthan ko.Chungkhar le mah khua mah tlang caah cun a ttuan khawh ngai ko ttung..

7.Thantlang zong ah a mah Henry VanTthio hmaizoh in kawlnu cu Lungler lei lam ah vuleii ekah 30. kum 30 an hlanh ko khih.Cucaah NLD Chinramah cozah an tlaih rih ah cun vulei lawng upidi(မြေလွတ်မြေရိုင်းဉပဒေ)in miphun dang kut a phan dih lai tihh a nung Lo zu nih Inn zu a pawnchuah bantuk kan si sual lai.

Cu caah 2020 thim nak ah cun Chin Party MP kan tlin lawng ah kan biaknak kan vulei kan miphun kan ram a him lai cucaah Chin Party ah vote dih ko hna u sih.
Pi ZaTlem
MP hlun

Leave a Reply

Your email address will not be published. Required fields are marked *