Chin Hlasak Thiam Bawi Thiang Bik Nih Myanmar Idol A Zuammi Lahah A Uar Bikmi A Chim.

Chin gospel Singker Pu Bawi Thiang Bik nih tutan Myanmar Idol a zuammi hna lakah a uarbik mi a chim, Pu Bawi Thiang Bik nih Myanmar Idol hlasak a zuammi hna lah ah a uar bikmi a chim hi The Chin Express nih Interview an tuahnak ah a chimmi a si. Myanmar Idol ah a zuammi hna ” Thazang cu pek cio ding a si. A zuammi lak ah Pakhat te cu thim awk ka theih bak lo. Lai miphun lungthin ka neih pah zong cu a si kho men, kanmah Chin miphun yaw kee, Esther Dawt Chin Sung le Benjamin Sum hi thazang ka pek ngai hna, ka uar ngaingai hna.” tiah a chim.

Pathian hla na saknak a ruang? Hlasak thiam Pu Bawi Thiang Bik nih Bibile siangin ka kai lio ahhin Lovesong ka sa ko. Mino hla le falam hla deuh in ka rak kal i Tahan hrawng ahcun Falam le Mizo zong nih an rak ka theih ngai ve. Lovesong hi ka rak sa ko. asinatein Bible singin ka van dih hnu in Sayamah Nomi nih Crusade a tuahmi ah a ka sawm i Saya Tha Cung a thawngtha ka van ngeih lengmang tikah a thar in ka van pemh than. Pathian nih aw le zai a kan pek mi hna hi minung va hlawinak lengmang nak can a si lem lo hi teh, Amah Pathian thangthatnak caah pei a rak si hi tiah pemhnak ka van nei. Keimah le Pathian kan i pehtlaihnak ahcun Lovesong sak cu a si kho ti lo. Ka aw hi ka thih tiang Pathian thangthatnak mang ko nining ti baichahnak ka ngeih caah a si. Lovesong sak le phuah hi a sualnak ka thei lo. Pathian dawtnak a theifaing mi hna caahcun Pathian ca bak ah kan hman ding a si ko  tiah a chim. Note: a chimmi hi Biafang si lo in fiangnak in tialmi a si.

Myanmar Idol season 4 a zuammi top 7 hna lak ah Pu Bawi Thiang Bik nih a uarmi pathum a van chimmi Esther Dawt Chin Sung Yaw Kee le benjamin Sum hna hi kanmah Chin miphun lawng si lo in kawlram mipi zong nih an uar ngaimi hna a si. Zahan ahkhan Myanmar Idol top 7 hna cu zuamnak an ngei than. a zuammi hna hi mipi nih tuzan 6pm tiang vote pek khawh an si. Mipi vote thlakmi result cu tuzan ah phuan cawlh a si than te lai. Myanmar Idol ah a zuammi kan unau Esther Dawt Chin Sung, Yaw Kee le Benjamin sum hna hi Chin mipi nih vote peknak in tanpi cio hna sih.

Leave a Reply

Your email address will not be published. Required fields are marked *