Carson Tin Twin Oo Nih The Bad Good Friday Tiah A Tialmi Thawng Tha Rak Rel Ve.

Tulio kan vawleipi boruak cu khuacimui in a si ko; ram pical kan timi hna ram pawl zong awlokchong in an um ko. Kum zabu 21 chungah kan nu can a si mi ram USA zong tutan zawtnak (COVID-19) nih ceinawn in a thuat tikah um awk hngal loin a tuah, New York khuapi bang cu minung chim lo, an zuat ramsa tiang nih COVID-19 zawtnak an ngei cang ti si. Van zoh ah a sang, vawlei zoh ah a pit timi dirhmun ah kan um hna. Hi lio ngelcel ah Bawipa Jesuh thih hngalh camtuak, Bad Friday (aruang um caah ‘Bad” ka ti) a hung si. Pumhkhawmh in Bawipa Jesuh thih-hngalh camtuak hman khawh ding a si fawn lo. Lung nuam lo ngaiin khua kan sak lio cuahmah hna a si. Hi bantuk hin Jesuh zong kha minung thisa in khua a rak sak lio, a thih lai ahkhan a rak um ve.Van zoh ti hmanh hna usih.

Hakha Khua Chung Cucaw Neme Ah Inn Sakmi Thlathum Chung I An Ttheh ...

Nihsawh Sersatnak: Mathai 27:26-30 chungah,”Judah siangpahrang cu saupi nung ko seh” tiah thah dingin kalpi a si lio ah an chimnak kan hmuh. Thah dingin kalpi cuahmah mi “saupi nung ko seh” ti cu nihsawh thlanglamh bak a si. Culio ah Rom ralkap hna nih ahodah an rem mi a si an hngal lo, an bawizik Pilate nawlpeknak in misual kan rem tiah an ruah. Anmah tuk chung a phak hlan ah Judah mi hna nih nihsawh le sersat pin ah, kut an thlak si cang kaw, a piang hrawng hna cu a phing dom. Hmai phing bu le mit hmanh thitha au khawh ti lo hnu ah Rom ralkap kut a tem hui. Fung fek le kutke tukvelh a in pin ah, bia hmurka in bia-eng a inmi hrim minung fa nih celh ding khi an si lo. Ahodah an beng kan chim tuah hei ti te hna. Midang na khamh hna bantukin nangmah zong i khamh te tuah ti te hna. Celh ding khi an si lo. Minung rereng hi, tuahsernak nakin bia-eng phun in i nihsawh le sersat hi a ing kho lo phun kan si. Jesuh fak le uar a umnak cu hi zawn ahhin a si. A minung sinak in a har ko lai, sinain biaka khat hmanh a let hna lo tiah, cathiang nih a kan cawnpiak.

Hakha Khua Chung Cucaw Neme Ah Inn Sakmi Thlathum Chung I An Ttheh ...

Ningzahnak: Nutling patling a si cang mi minung nih ningzah kan celh lo bik mi cu, mizapi hmuh hngan taklawngfangkaro um hi a si. Bia dawhcah lo deuh in kan chim ahcun, mihmai hnithlau hmanh ah an ningzah celh lo in an i thlathlauh tawn theo. Cu tluk fak ningzah mualphonak cu Jesuh cungah an tuahto. A phung mente in an aihter mi puansen te kha an phoihpiak, cu hnu ah amah puan an aihter i vailamtah ding ah an kalpi a ti (Mat.27:31). Cu tluk mualpho fak in an tuah hmanh cu a za an ti rih lo (Heb.12), misual hmelchunhnak vailam an putter i zatlang lam ah an hruai. Rom phung ah hin misual vailamh khenhchih ding paoh cu an sualnak kong tial mi kha an hngawng ah thlaihchih a si. Cubu cun thlai an sinak ding hmun ah anmah vailamtah tung te i put in kalpi a si. Patling thlainak ding thingrua cu zeitlukin dah a va rih hnga mu? Sinain Jesuh nih cun ai put nguahmah ko. Amahte in ai put tikah, hmutu vialte nih a sual man ing ding a si tiah, an ruah colh. Vailamtah thihnak hi Rom miphun hna nih Persia nawl an i cawnmi a si. Misual thahnak ah dantatnak phun ah an hman mi a si. Zeicahtiah, nganfahnak temtuar cikcek hnu ah an thih tikah misual hrem di a riam an ti. Cucaah emperor Tiberius zong nih hitihin a rak ti phah, “Nganfah tuarter ta lo in misual thah cu dantat a si lo; dantatnak taktak cu thih hlan ah nganfah temtuar cikcek khi a si, zeicahtiah thihnak cu dantatnak luatnak a si.”

Hakha Khua Chung Cucaw Neme Ah Inn Sakmi Thlathum Chung I An Ttheh ...

Luruh hmunlei panh in an hun kalpi tikah a hmumi paoh nih lungfian khawh colh ding in sualphawtnak bia “Hihi Jesuh, Jesuh siangpahrang cu a si” (Mat.27:37) bifang lianpipi cu holh phun thum, Greek, Latin le Hebrew in an tial. Mifanau, hmun dawhcah le thianghlim deuh zongah that loin a thutheng mi hmun, luruh tlang (Lk.23:33-34), misual tiah, ruahmi paoh thihnak hmun ah an thah. Cu chimchap ah mifir pahnih nih orh le keh in an karceh (Mat.27:38-44). A sullam cu anmah tluk ceo tinak a si. Mifir pahnih nih an i huah mi ningzah vialte kha an thihnak hmun nih Jesuh liang cungah a chonh ve.

Hakha Khua Chung Cucaw Neme Ah Inn Sakmi Thlathum Chung I An Ttheh ...

Chiatserhnak le Nganfahnak: Deut. 21:22-23, chungah zei bantuk minung dah thing cungah thlai in a thi ding fiangte in kan hmuh. Sualnak a ngei lo nain kanmah sual ruangah misual chiatserhnak vailam cu a in. Vailam a phak hnu cun misual chiakha bik dirhmun ah a hung dir. Pathian nih a kha mi hrai din awk a pek mi a dolh kho lo nain a dolh diahmah. Nganfah a temtuar celh lo ah a dang tiang a car dih. Tikik dakmak diriamte in kiakkiak tiah van din a duh dekmak lio ah a thur mi ti (Mk.15:22-23) an dinter. Mifanau a celh ruam lo, a hrum ruangmang ko. A liang in a phorh mi sualnak vialte chiatserh a hung si tikah Pa nih a kaltak, “Ka Pathian, Ka Pathian, zeicahdah na ka kaltak” a ti (Mat.27:46). Chiatserh a si hnu cun dirpitu a ngei ti lo. Temtuarnak a ton hnu cun an zamtak dih. Bawmtu ngei loin a lu a khun i a thi.

Hakha Khua Chung Cucaw Neme Ah Inn Sakmi Thlathum Chung I An Ttheh ...

Biatlangkawmnak: Jesuh teminnak ruah tikah a chiakha reru ko. A chuahka in a thih tiang conglawmh a tong lo ti tluk a si, Jerusalem i sunparnak he a luh kha dah ti lo! A nun hi thangchiatnak, lungretheihnak le nganfah innak lawngte in a khat. Thah ding in an tlaih hnu bang cu tirawl hmanh a ei lo ti ko usih. A temin dingmi kong a hngalh cia tikah a nun nih a celh hrimhrim lo. A nun hi muihnak in a khat. Nganfah in ding mi nih hngah thei tualmal ko bu in nun hman cu zeitluk nuam lo khi dek a va si hnga? An tuaknak hmavual vialte dihsurpiaktu zong ngeih lo, hnemtu zong ngeih lo. Cu chinchap ah, tukhremnak hmavual in a khat mi a taksa cungah adang fungfek van i chapchin lai a ruah ah a celh hrimhrim lo. A hman cia le hmai rih lai mi nikhua ceu hna hi a caah cun mitthla tlaknak le thisen luannak lawngte an si dih ko. Sinain kan caah awnau lo tein a pah dih ko (Is.53). Note: Thaizing lei ah “Good Friday” cu kan van chap te lai. Image may contain: cloud, possible text that says ‘GOOD or BaD FriDaY rebeccabarlowjordan.com’. Credit: Carson Tin Twin Oo.

Leave a Reply

Your email address will not be published. Required fields are marked *