Biak Hmun Sang Nih Rung Lian Ceu He Khingthlai In Bia A Chim

Aluan cia mi 2019 ah Rung Lian Ceu nih mah 315 lbs hi voi 10 bak voi ngai in a rak tuah i mah lio cun kei voikhat te hmanh ka rak cawi kho rih lo. Zei ban tuk thazaang dah ngeih tiah khua tampi ka rak ruah. Nan atu cu voi 11 deng bak ka cawi khawh ve cang. Ka chim duh mi cu zei dah si ti si cun zuam nak le lung sau nak nih hin zei zong vial te a kan si ter khawh. A mah Rung Lian Ceu zong tampi ka upat. Rung Lian Ceu a zuam nak nih hin kei mah zong zuam nak lungthin tampi a ka pek ve. Credit: Biak Hmun Sang

US President Donald Trump nih “Middle East Peace Plan” kan hnu zarh ah a tuahmi cu White House in a phuan, Arab league pawl nih an cohlan lo. UN zong nih an cohlan ve loh. Trump nih a timhlamhmi hi “deal of the Century” tiah kawh a si. Palestinian pawl Independence pek an timh hna bang in Jerusalem khuapi cu Israel pek a si. East Jerusalem cu Palistinian ca zong ah an khuapi(capital) a si kho ve lai. tiah chuahmi a si.

Trump nih Mideast Peace Plan ning ahcun Jordan Valley, West Bank lei zong Israel hmun an khuarnak hmun cu Israel ram ah a chiah. Mah hmun ahhin Palestinian 300,000 hrawng khuasa in an um tiah an chim. Jordan Valley hi Zionist pawl nih 60% hi nawl an ngei lai. Jimmy Carter (95) US president thing, Egypt le Israel karlak remnak a sertu zong nih President Trump a thiltuah ning cu UN le Vawleicung phung a kalh a tiah a soisel. Carter hi USPresident lakah nun saubik a si.

Palistinian Authority pawl nih zeiti hmanh in Trump nih Mideast Peace Plan cu an cohlan lonak bia an chim. Kum 1995 ah President Bill Clinton le PLO hruaitu Yasser Afarat nih Camp David, Washington ah remnak an rak ser cang. “Osla Accord” ti mi zong an leh (Cancel) than. Tiah Al-Jazeera nih a chim. Palestinian Authority Minister of Civil Affairs Hussein al-Sheikh nih Osla Accord cu a tha hnem lo tiah a chim, Arab le Islamic ram pawl nih Palestinian pawl ca lawng ah ruat in rian a tuan lai a ti.

Arab League pawl nih Feb. 1 ahkhan Cairo, Egypt ah Emergency meeting an kawh cawlh, Arab ram thenkhat nih Trump “deal of the Century” hi an tanpi. Turkish President Erdogan nih Arab le Muslim ram hruaitu thenkhat Trump thilti soisel lo le Dodal lo tu pawl cu fak takin a mawhchiat hna. UN Secretary General Antonio Guterres ai-awh in biachimtu Stephane Durajarric nih “ Israel-Palistinian karlak remnak le deihnak cu UN riantuannak ningin Resolution tuah cio mi le Kum 1967 hlan ah ramri kong tuah ciomi bang in a kal ding a si” tiah Trump Mideast Plan an cohlan lo tiah a chim. Palestinian nih mah US President Donald Trump nih “Middle East Peace Plan” hi an duhlo tuk.

 

 

Leave a Reply

Your email address will not be published. Required fields are marked *