Bia lo bak si cang. Texas Governor Greg Abbott Baichah Cu Ralzam Caah A Poi Tuk

Vawleicung ram har le uknak thatlo ruangah himnak kawl in a zammi Ralzam hna hi cu hlan ahcun US nih biatak tein tuanvo lak in a ram chung ah a luhter hna. sihmanhsehlaw President Donald Trump a kai hnu in kumkhat hnu kum khat in a thumh lengmang i 2019 tiang ahcun a min men te zong in a lak cang. Phundang in chim ahcun himnak ah a vaimi ralzam pawl dawtnak le zawnruahnak a zor chin lengmang ti khawh a si. US pi nih ralzam a van lak lo le a thlak duh lo taktak ahcun UN pi riantuannak zong a der chin chin cang.

Tutan zong ah Pu Zo Tum Hmung nih US state pakhat nih ralzam lak lo ding in bia a kkhiahmi kong a van langter than, “Bia lo bak si cang. Texas Governor Greg Abbott nih refugees thar ka lak lai lo, a ti. Mah hi Pres. Trump nih refugees lak kongah state le local pawl nawl a si lai tiah a rak ti caah a si. A hlan ahcun aa relremnak state poah ah kuat a si ko. Pres. Trump le Gov. Abbott hna lungput hi cu, ralzaam caahcun a poi ko.” tiah a tial.

Texas Governor Greg Abbott nih ralzam thar ka la lai lo a ti caah Chin ralzam le vawleipi ralzam caahcun thangpang chia taktak a si. Texas state hi Chin ralzam tampi an umnak state a si. Tutan ah Texas Gavernor Greg nih ralzam ka la lai lo a ti mi hi Pu Trump biachimmi chirhchan deuh in a si. US State 40 leng nihcun ralzam dawtnak le zawnruahnak he an kan cohlan rih caah thachiat thlu ding a si lo. Rethei le harsa hna dawtnak le zawnruahnak a ngei lo mi tampi lak ah himnak kawl in a vaimi ralzam hna dawttu le zawnruat tu zong an rak um ko hna.

Leave a Reply

Your email address will not be published. Required fields are marked *