Benjamin Sum Nih Pathian Challenge A Tuahnak Kong A Chim

Tangkua le tanghra ka kai lio ahhin ka nu hi Cancer a si tiah ka rak theih, mah lio ahcun India ah a kal, kan thinlung a rak tha lo tuk, a hnu ah tlawm pal ah Cancer sinh 3 nak a si tiah an chim ceih ka theih, mah lio ah cun siangin kai lio a si caah ca zong ka zoh kho lo. ka lung a rak nuam lo tuk, Siangin kai kan ti cu Siangin ah ca zoh a hau, Ca zoh lio ah ka mitku, It can a cut taktak tik ahcun ka hngilh kho lo. ka hawi le zong ka chim ngam hna lo. zan ah inleng ah keimah tein ka tap, ka hawi le an it dih hnu ah Lam mei ceu hmang in Bible ca relnak le Thlacamnak ka rak ngei, Mah lio ahcun Pathian mah ti hin challenge ka tuah ti ah a langter.

Image result for Benjamin sum

Ka nu hi nundamnak ka pek piak, cun Na ka pekmi ka aw hi ka zuam lai i mi hna caah ceunak a si lai tiah biakamnak ka nei. Cun tanghra ka awn hnu ah ka nu cu ngandam tein In a rak phan, khuaruahhar a si, Ka lawm tuk, ka nu hi a zawtnak a dam dih tinak cu a si lo. pehzulh in thlop thnan a herhmi a si tiah a chim, Myanmar Idol ka zuam lio ah ka nu a rak rat cu ka lawm tuk, Kan nufa in kan i lawm, Fans ton lio zong ah ka nu a lawm tuk, Ka nu thinlung hnangamter le lawmhter hi ka duhmi a si tiah a chim rih. Ka nu bantuk nu hi vawlleicung ah an har, nu tha taktak a si tiah a langter.

Image result for Benjamin sum

Ka nu cancer in a damlo mi a si tik ah Phaisa kan ngeihmi a dih cang, mah caahcun Phaisa ka hmunmi hna hi ka khon hna, Ka nu thlopnak than ding hi ka duhmi a si tiah media nih biahalnak an tuahmi cu fiangte in a chimh hna. Benjamin sum hi Harnak a ton can ah Pathian bia rel le thlacamnak in a nunnak ah teinak a kawlmi a si. Pathan a bochannak ruang ah Pathian nih a thlacamnak le a saduhthah cu hlah a tlin ter. Amah hi Nu le dawtnak thinlung a ngei ngaimi a sinak zong tutan Interview an tuahnak ah a lang, Zei tluk in dah Pathian a bochan ti zong fiangte in a langmi a si. Bawipa nih a hmai lei lamtluan ah lam hrim ko seh.

Image result for Benjamin sum

Credit: MC

 

 

Leave a Reply

Your email address will not be published. Required fields are marked *