Benjamin Sum Fans le Esther Dawt Chin Sung Fans Pawl Mah Ca Hi Rel Uh

Chindwin Post group ah MMID s4 kong an tialmi tete ka bih pah ttheu i, Benjamin Sum fans pawl an lungfahnak le comments thalo a tam ngai. Aize- Vawlei cung thil kalning pei maw an hngalh thiam rih lo hi ka ti. Nihin ah kan ton cuahmahmi thil hna hi a rak um ciami lawngte an si bantuk in hnulei tuanbia/history zoh in hmailei kan kal ahcun, cuticun, thangchonak a pek. Cuti siloin, kanmah lawng nih kan ton balmi thil bantuk in zei paoh extreme tuk in lak ahcun, ipalhnak a tamΒ kho. Cucaah, singing competitions hi vawleicung kakip ah an tuah cio cangmi tlawmte in zoh hnik usih!

American Idol, the Voice, the X factors tbk hi vawlei cungpi theih hlasak zuamnak a si i, ka zoh huam ngaimi an si. American Idol a si ah, the X factors an si ah, American Got Talents tbk an si ah, Winner hmuh long hi lar nak le rummnak ( success nak) a rak si lo. Simon nih a fonh chawmmi hna, UK X factors in 3rd place laktu β€œOne Direction” kha vawlei pi hnin in an lar ko. Winner nakin an lar deuh i, an poh deuh. American X factor ah Simon nih a fawnh chawmmmi Fifth Harmony zong kha quarter final tiang lawng an phan rua ka ti. Anmah group lakah pakhat, Camila Cabello hna cu, tulio a larbik ah a tla ko. Hibantuk hi chim ding a tam lengluang, nan theih ko lai.

Singing competition a si ah, Got Talent tbk zuamnak ahhin Winner hmuh lawng hi larnak/ success nak a si lo. Zuamnak ah luh cu lar/ success duh ah a si bantuk in, Third place or Second place an phan ahcun, an lar kho cang, a success kho cang ti hi, theih ding a si. Cucaah, MMID s4 ahhin Esther le Benjamin Sum hi Winner veve an si, zeicatiah an pahnih in an lar kho, an success! Success nak stage an phan veve. An idannak cu Esther nih a hlei in winner laksawng a hmuh hi a si.

Cucaah, anmah pahnih hi 2020 in an tuanbia aa thawh i, hmailei ahcun Esther nakin Benben hmanh hi a poh deuh kho mi a si. Or level 8 i a tlami TKK hna kha, anmah lakah a poh bik dirhmun hna a phan kho. Cucaah, a hlawhtlingmi an si le silo cu anmah pumpak izuamnak le skills ah aa hngak cang ko lai. Cucaah, hla/celebrities business lei in lar duh le hlawhtling duh ah aa zuammi an si bantuk in an pahnih in larnak/ success nak stage an phan veve cang. Cucaah, Winner laksawng te va co lo ruang ah lungfah tuk ding a um lo. Winner laksawng prize hna hi cu, voikhat concert an tuah ah an hmuh khawhmi te a si ko. A tam ciamco lo. Credit: Zasang Cinzah

Leave a Reply

Your email address will not be published. Required fields are marked *