Australia Paih Champion Voihnih Tiang Comi Sui Bawi Sang Nih Rung Lian Ceu Hi Laimi Khuaruahhar Viar In Teng Ka Duh

Chinmi nih kan nunphung pakhat a si mi lai paih hi biatak tein kan van sunhsak cang hna tikah Chin pathawng pawl hna cu mipi nih van theih thluahmah an si cang. tu lio Chinmi dirhmun zoh ah ramkip kan umnak cio ah lai nunphung pakhat a si mi Lai paih hi biatak tein kan van tuah cio cang hna. Ram kip mithawng hna cu an thu sawhsawh kho ti lo. Mithawng hna  tonnak Lai paih bual ah an lut thluahmah cang. Ram kip in Champion sinak an i tleih cio hna, Mah bel hmunkhat teah ram kip mithawng hna ton paihnak bel tuchun ni tiang ahcun tuah khawh a si rih lo. Tu lio laimi dirhmuh ah Mi tamcem umnak Cu US le Australia ram hi a si. US Pathawng lakah Rung Lian Ceu hi a si. Chin mipi zong nih a thawngbik ko lai tiah zumhmi a si. Sihmanhsehlaw Australia Pathawng Sui Bawi Sang nih “Rung Lian Ceu cu a thawng bak ko, tha tein gym ka kal piak cun ka tei lai ka zumh bak ko. Australia ah a ka teitu an um lo caah tu lio chinmi lakah an zumh bakmi Rung Lian Ceu hi tleih ka duh bikmi a si ko.Laimi Khuaruahhar viar in Rung Lian Ceu hi teng ka duh” tiah a chim. a tang ah interviews kan tuahmi biahalnak le lehnak a um.

Biahaltu, Na min na khua le na umnak na kan chim kho hnga maw? BialettuKa min cu Sui Bawi Sang . Ka Khua cu Lungler. Atu ka umnak cu Australia ah asi.

Biahaltu:Australia Laipaih ah Champion a lak ti thawng kan theih, Champion hi cu hlan na paih ah voi zeizat dah na lak cang? Bialettu: Zatlang Champion voikhat  ka lak. Singkhaw voithum ka lak. A tam cem tei voikhat ka lak.

Biahaltu: Australia laimi lakah Paih thawngbik pakhat na sinak in tu lio minthang pathawng hna lak ah ho khi dah Tleih ding ah na duh bik mi a si? Bialehtu: Australia Pa thawng tleih ti loin US lei Pa thawng tleih ka duh ko hna, A si khawh ahcun Laitlang lawng tlung tilo in Australia ah rak ra hna seh law a nuam tuk hnga.

Biahaltu: Australia paih committee nih Champion taisawm le Phaisa an in pekmi hna khi a tlawm na ti maw? a tam na ti maw? a za ko na ti dah? Bialettu: Aw, Australia Paih laksawng $ 1000 hrawng a kan pek mi cu a tlawm bak ko, chim ding a umlo.

Biahaltu: Na paih chungah pathawng mizei he na tleih/paih ahdah na harh bik? Bialettu: Atu tiang ka paih mi ah ka harh bik mi cu Anawl khenglawt asi la.

Biahaltu: Tu lio Chinmi lak ah a thawng bik a si lai tiah mizapi nih ruahmi Rung Lian Ceu he I pai u law ka thei bak lai tiah na zum maw? Bialehtu: Aw, Rung Lian Ceu cu a thawng bak ko, tha tein gym ka kal piak cun ka tei lai ka zumh bak ko. Australia ah a ka teitu an um lo caah tu lio chinmi lakah an zumh bakmi Rung Lian Ceu hi tleih ka duh bikmi a si ko.Laimi Khuaruahhar viar in Rung Lian Ceu hi teng ka duh.

biahaltu: Ram kip in Paih tuah cio a si tik ah Ramkip champion hna hi hmunkhat ah I paih khawhnak ding lam a um kho lai tiah na ruat maw? Bialettu:  Aw um kho tuk e , US paih tuah tawnmi WPC nih Pathawng an cah tawn ko hna kha teh, A si khawh ahcun ram kip champion poah cah dih hna seh law rak kan ton ter khawh tuk a si ko.

Biahaltu: Lai paih nihhin a chuahpi mi thathnemnak zei dah a si? Bialettu: Lai Paih nih a chuakpi mi thathnemnak cu a tam tuk pakhat chim ka duhmi cu pumpak ngamdamnak caah a tha.Lai Paih thiam ah cun adang MMA tibantuk, i velh nak phun paoh ah tel khawh asi.

Leave a Reply

Your email address will not be published. Required fields are marked *