Arakan Army Cungah China Hi Zeitluk In Dah Nawl Ngeihnak A Ngeih?

AA (Arakan Army) Cungah China Hi Zeitluk In Dah Nawl Ngeihnak A Ngeih? Tulio vawlei cung political obsever pawl nih an i ceihmi le an seihwinsa ngai ciomi topic cu, “Zeitluk in dah AA cungah China hi nawlngeihnak a ngeih i, Rakhine buaibainak kongah hin China teltumnak hi zeitluk in dah abia pit” timi hi a si. China nih Rakhine ram, Kyaukphyo ah project nganpi a ngeih, USD in billions in investment a tuah cuahmah liopi a si. Cuccahcun, Rakhine ram chung kahdohnak hi China caahcun hlawknak nak in a sunghrelhnak tu a chuahpi deuh. Asiah, China nih AA hi hriamnam a bawmh tiah mi tampi nih an ruahmi hi a hman ko ahcun zeiruangah dah Rakhine ram kahdohnak ngol dingin AA hi presure a pek cang ko hna lo tihi ruah a phu ngaimi a hung si.

Pakhatnak, China Nih AA Cungah Raldohnak Ngolter Kho Tiang In nawlngeihnak a ngei maw? August thla chungah AA le a hawi le Northern Alliance nih Pyin Oo Lwin um, Defense services Technology Academy siangin cu hriamnam ngan in an rak kah caah minung tam nawn an rak thi. Kha lio ah khan China nih AA cu kahdohnak ngol dingin Presure a rak pek hna tiah theih a rak si. Asinain, AA nih kahdohnak cu nihin tiang an ngol hlei ballo ning ruah tikah China nih AA cungah nawlngeihnak zei pi ngaingai a ngei kho lo tihi a langhter ngaingai. AA nih an hriamnam hi UWSA (Wa) sin deuh in an cawk tikah China nih direct in AA cungah nawlngeihnak a ngei kho lo nain indirect (ta-sinh) in UWSA hmangin presure a pek khawh hna tiah zumh a si. Asinain cu zong cu fiang tein chim awk a tha lo.

Zeica’tiah, UWSA (Wa) cu anmah ram chung teah hriamnam sernak setzung a ngeimi an si caah, hriamnam kongah China nih Wa cungah tamtukin a nawlngeihnak a hmang kho ve thiamthiam lo. Culawnglo, atuchan cu black market ah zei poh te cawk a ngah cang tikah AA nih phaisa an ngeih chung poh cu an duhmi hriamnam poh black market ah an cawk khawh ko. Hlan bantukin AA cu anmah pumpawcawmnak menmen ah a lungretheimi si ti loin athawngmi mibu (Organization) nganpi an si ve camg caah hriamnam cawknak phaisa kongah an lungre a thei lo i an duhmi poh an cawk khawh. Cucaahcun, AA cungah China nih a ngeihmi nawlngeihnak hi a tlawmte taktak khi a si i, Rakhine ram buaibainak kongah AA presure pek duakzau in kahdohnak ngolter khawhnak tiangin nawlngeihnak a ngei lo.

Cu lengah, China nih Rakhine mipi thinlung cu 100% in AA sinah a um ti a theih tikah fawi teih AA hi presure a pe hngam hna lo tiah ruah a si. 2015 thimnak (election) ah Arakan National Party nih Rakhine Seats 47 chungah 22 an co i NLD Party nih Seats 9 te lawng an rak co nain NLD nih an nawlngeihnak hmang zau in NLD party menber chungin Cheif Minister an rak khanh caah Rakhine mipi an thin a rak hung tuk hringhran. Curuangah cun ANp Party Chairman Dr Aye Maung nih “NLD cozah nih Rakhine miphun sal bantukin an kan tuahto caah ruahchan awk dang kan ngei ti lo, AA tuhi biatak tein support ko hna uh” tiah a rak chim. Cu bia a chimmi te ruangahcun Dr Aye Maung cu rampi caah tihnung a si an ti duakzau i kum 20 thong an thlak. Cu bantuk pawl an zoh tikah Rakhine mipi nih AA lawnglawng hi kan i ruahchannak nganbik a si tiah an ruah i 100% in an tanpi hna. Cucu China nih fiang tein a hngalh caah mipi nih tanhmi AA hi upat tihzah bu tein a chawnh biak hna. Zeirel loin a um hna lo.

Kawlram hriamtlaiphu tam deuh sinah nawlngeihnak sang taktak a ngeimi China hmanh nih AA cu presure pek in Rakhine ram buaibainak ngolter khawhnak nawl a ngeih lo ahcun hi thil hi thil tetuai a si ti lo. Kawl ralkap nih ral tuknak in an tei khawh hna lo ahcun, an duh zong duh lo zongah kawlram cozah le ralkap nih AA hi an cohlan hna i tha tein an chawnh biak hna a hau tinak a si. Lam dng xeihmanh a um ti lo. Cu lo ahcun, Kawl ralkap le AA hi caan saupi chung i doh an hau hnga tinak a si hnga. Rakhine ram chung buainak ah China aa thlak lawnglawng ah a daai kho lai tiin mi tampi nih an ruahmi hi hmaan dawh a si lo. AA thil ti khawhnak hi China cungah aa hngat hrimhrim lo. Crd: theeasternlink. Credit: Pu Tha Ceu Lian.

Leave a Reply

Your email address will not be published. Required fields are marked *