AA Nih Southern Chin State Paletwah Cu Rakhine Ram A Si Tiah An Thanh.

AA pawl nih Southern Chin State Paletwah ah umhmun an khuar lawng siloin, Paletwah cu Rakhine ram a si tiah an claim i ral an tho. Kan chin miphun hawi tampi an thi. Tampi umnak ngei loin an vai. Khuami pawl an tlaih hna. An hrem hna. Porter an phawrhter hna. Tuhi kan Chin mino tampi an thin a lin in a lin cang. Ziah Kan pale pawl hi daite in an um ko. Zeital an tuah lai lo maw? Zei tal an chim lai lo maw? A zoh in maw kan zoh sawhsawh cio ko lai? Kan an in ti cang hna. Tulio ah State holders a simi Chin State Cozah le CNF nih press conference in, an Chin mipi sinah zeital an chim lai lo maw? Zeitindah hmailei kar kan hlang lai timi bia an kan ruah lai lo maw? December 12 lio- CNF le Union Cozah, Union Level Peace Agreement ah Chin State chung ahhin CNF le Burmese Army lawng um hna seh tiah hnatlaknak an sermi hmang in, AA hi Chin state in tthawl khawhnak lam a um hnga lo maw? Diplomat or action in?  Tulio kan mino hna an thin a lin lio ahhin miphun pakhat, Ram a ngeimi kan sinak in Kan pale nih bia nan kan ruah ding hi a biapi ngai. Hmailei Zeitindah kar kan hlan lai tbk vision le kan thut-dirh ning tampi mino nih an theih a herh lio caan te a si.Credit: Zasang Cinzah.

Chin Ramkulh Chungah AA Le Kawl Ralkap Thla Khat Ah Voi 20 Bak An ...

We were soldiers, A happy reunion with my two comrades in arms. Hawikawm ttha pa hnih he Pathian nih ton nak can ttha a kan pek caah ka lawm ngaingai. Thantlang Highschool ah siangin kan rak kai tti hna. An nih pahnih Mandalay Sianghleirun ah an kai I kei Rangoon sianghleirun ah ka rak kai. Kachin ram ah CNA ttuan ding in training kan kai tti tthan hna. Training kan dih in KIA ah kumkhat ral tuk kan rak cawng. Pu Khar Mang (Kimkim pa) ka keh lei I a dir mi le kei hi KIA 251 battalion ah kan rak um I Pu Ngun Cung Lian (Sangboih pa) ka orh lei I a dirmi hi KIA 254 battalion ah a rak um.

Sangboih pa hi a phei le a hngawng ah kuan cik tampi a tang rih. A ruh chung ah an taan caaah chuah awk an ttha lo I ai nunpi penggmi an si. Kawl ralkap nih Mortar (Miakpi) in an kah I Pathian nih airel lo a ti ca ah a nunnak a zuah mi asi. Kei hi tuluk thi langthum an ka ronh ve mi ka si. Kharte hi ral voitampi a tu mi asi. Khuazing Pathian nih kan nunnak a zuah I mah ticun kan kawi fa 3 in kan iton tthan hna tik ah kan I nuam ngaingai. Kimkim pa le kei hi KIA 251 battalion ah kan rak um I Kachin ram kan rak um chung ah hin CNA in kan mah 251 battalion I a um mi hi a thi mi an tam bik. Zei ca tiah kan nih battlalion 251 hi mobile battalion ai chokvak peng mi stable headquarters a nei lo mi kan si caah kan rak tem deuh, ral he kan I ton a tam deuh caah asi men lai.

Kum tampi hnu ah Khuazing Pathian nih ton nak can a kan pek caah kan ilawm taktak. Lungre theihnak in Chungkhar lawmhnak: Nifa kan nunnak ah din lo in tuan le kawl hawl hi kan rian ngan bik a si. Chungkhar tling in khuasak ti caan hi a tlawm ngai ngai. Dinh caan kan ngei lo, chungkhar khuasak tuntuk that deuhnak caah pei rian kan tuan cu kan ti cuahmah lio ah Chungkhar ah hnangamnak a tlawm ngai cang. Caan tampi cu Chungkhar ah lawmhnak in kan khat nain caan tlawm pal ah lungre theihnak le ngaihchiatnak nih a kan zulh colh i kan i lawmhnak hna cu khuadawm bang an tian dih than tawn. Chungkhar cheukhat hna caah cun Chumhmui a tlung kan ti khawh. Lawmhnak ni a tlang kho ti lo. Credit: Salai Bawi Lian Mang

 

Leave a Reply

Your email address will not be published. Required fields are marked *