2020 Kawlram Thimnak Ah Facebook Biatak Tein Riantuan A Tim

Aralaimi Kawlram pumpi thimnak ding caah Huatnak bia, a palhmi thawngpang diklo a um lonak ding ah Facebook company he tha tein ceihkhannak, riantuannak le timhlamhnak kan nei lai tiah Rampi thimnak commission lutlai nih a chim. Facebook hmang riangmang in thimnak ah teinak hmu duh ruang ah ningcang lo in a cawlcangmi an um caah a ral lai mi thimnak ahcun tha te le tluangte in kan tuah kawh nak ding ah facebook company he hmunkhat teah rian kan tuanti lai tiah thimnak commission Hruaitu pakhat a si mi U Than The nih a chim.

2020 kawlram thimnak ah thazang a pemi ram dang mibu hna he hmunkhat teah i bawm in rian kan tuan ti lai tiah facebook company nih thawngzamhnak an tuah. 2020 thimnak kong he pehtlai in Facobook ah huatnak bia le a diklo mi thawngpang kawl ca in tialmi hna pawl khamnak le pheunak ding ah batak tein rian kan tuan lai tiah facebook lei le thimnak commission nih thangthanhnak an tuah. Aralai mi 2020 kawlram thimnak cu zei tik ni ah dah tuah a si lai ti bel an chim kho rih lo. tutan kawl ram thimnak ah NLD nih teinak a hmuh ri ko lai tiah a zummi tampi an um hna.

Kawlram chungah Party nga bik pahnih hna cu NLD le USDP party hna hi an si. USDP party ah hruaitu hna hi Ralkap chan lio ah Kawlral bawi deuh an si. Ralkap uknak biatak tein thazang a pe mi an si nain Kawlram dirhmun a tlak chiat tuk ruang le ramdang hna nih rialditnak a tam tuk ruang ah Zaukphung lei ah vansan in a kalmi an si. Ralkap angki an i poih zau i thimnak ah a lutmi an tam hna. Ralkap he neihniam tein rian a tuanmi an si hna. 2020 thimnak ah teinak hmu dingah a zum ngaimi an si hna.

NLD party hi Aung San fanu Aung San Suu Kyi nih a hruaimi party a si. Ralkap uknak lio ah Raltha te le nunnak thap bak in ram mipi nih nuhrin covo kan hmuhnak ding le zaukphung a umnak ding ah rian a tuanmi an si. Ralkap nih hremnak fakpi an pekmi hna hna le thong ah an thakmi hna tampi an um. NLD cawlcangnak thawng in kan ram ah zaukphung muisam kan hmuhnak hi a si ti u sih law kan palh tuk lai lo. Kum 2015 thimnak ah NLD nih rampi thimnak ah teinak a hmu. A ralai mi rampi thimnak zong ah NLD nih teinak a hmuh rih ko lai tiah thiam sang hna nih an zumh.

Leave a Reply

Your email address will not be published. Required fields are marked *