2019 Ballon D’Or Winner Lionel Messi Nih A Hmuh

Kum 2019 Ballon d’Or upatnak laksawng cu pek a si cang, Barcelona le Argentina player Lionel Messi nih 2019 D’Or a thiam bik minthatnak cu a co diam. Messi nihhin a voiruknak pumpak upatpeknak hi  a don a si. Christiano Ronaldo tluk in Ballon d’Or hmu tam bik sinak a hmuh. Nikum ahkhan Messi hi panganak lawng a rak si I tukum ahcun midang vialte lonh in Football ah pumpak upatpeknak sunglawi bik lak ah Ballon d’Or hi a hmuh. Tukum chungah hin Messi hi La Liga title a hmu cang, Liverpool defender Van Dijk nih Champions League Hraidawh co hna hmanh she law Messi a phan kho lo.

Image may contain: 1 person, smiling

Tutan Season ah Messi nih Barcelona caah game 14 a celh cang I goal 11 a thun cang. Assist voi 8 a nei fawn, Season a liam cio mi ah khan Barcelona caah game 50 a celh ah goal 51 hrawng a thun. Assists voi 19 a tuah piak hna. Messi nih kum 10 a luan cio mi ahkhan Bailon d’Or award hi a voikhatnak a rak co, kum 2010,2011,2015 le 2019 kum ahhin upat sunhlawihnak award hi a don hna. Ballon d’Or co ding ah minung tampi nih an zumhmi Virgil Van Dijk cu pahnihnak a si. mah upatpeknak hi Cristiano Ronaldo cu pathumnak a si. palinak ah Liverpool forward Sadio Mane a si ve. Nu lei laksawm peknak ah USA player Megan Rapinoe nih Women’s Ballon d’Or upatnak a co, mah nu hi a voikhatnak upat peknak laksawng a tin co a si.

Image may contain: 1 person, beard

Liverpool goalkeeper Alisson Becker nih Goalkeeper thiam bik teinak a co ve. Yachine Trophe laksang sunglai taktak mi an pek, Mah upatpeknak laksawng hi nikum in pek thawk a si I Alisson hi a rak co hmasa bikmi a rak si. Player kum 21 le hnukham ah a tha bik tiah pek tawnmi Kopa Trophi cu Juventus Defender Matthijs de Ligt nih a co ve pinah amah hi Season a liam cio mi ahkhan hngakchia te a si nain Ajax a that pi tuk caah tukum in Juventus nih Ajax in an rak cawkmi a si.

Leave a Reply

Your email address will not be published. Required fields are marked *